ესპანური გამოცემების ცნობით, მადრიდის „რეალი“ სატრანსფერო ფანჯრის დახურვამდე ერთ ფეხბურთელს დაიმატებს და ამის დასტური ფრანკო მასტანტუონოს კასტილიაში დარეგისტრირებაც გახლავთ.

ახლა „მერენგების“ რიგებში 25 ნომრიანი მაისური თავისუფალია, რომელსაც მაღალი ალბათობით გუნდის ახალწვეული მიიღებს.

2 კანდიდატი გამოკვეთილია, პირველი ყველასათვის კარგად ნაცნობი იბუ კონატე გახლავთ, რომელმაც „ლივერპულთან“ ერთად პრემიერლიგა უკვე დაიწყო, ხოლო მეორე კანდიდატი ახალგაზრდა ნახევარმცველი ადამ უორტონი, რომელიც „კრისტალ პალასის“ ღირსებას იცავს.

არსებული ინფორმაციით, პერესი მოჩვენებით სიმშვიდეს გვთავაზობს, თუმცა სატრანსფერო ფანჯრის მიწირულს სერიოზულად გააქტიურდება და გუნდში კიდევ ერთ მოთამაშეს მოიყვანს.