ხავიერ ტებასი მადრიდის „რეალის“ პრეტენზიებს გამოეხმაურა. როგორც მოგეხსენებათ, სამეფო კლუბმა „ბარსელონას“ და „ვილიარეალის“ მატჩის მაიამიში ჩატარების შესახებ პრეტენზია გამოთქვა და განაცხადა, რომ მსგავსი მიდგომები მომავალში სხვა გუნდებზეც გავრცელდება და ლა ლიგის რეპუტაციას დააზიანებს.

„„ვილიარეალისა“ და „ბარსელონას“ დაპირისპირების ლოკაცია მადრიდის „რეალის“ საქმე არ არის. ლა ლიგის ხელმძღვანელობამ შესაბამისი პროცედურები გაატარა.“

„ჩვენ არ ვიცით, რა შედეგებს მივიღებთ საფეხბურთო ორგანიზაციებისგან და ჩატარდება თუ არა ეს შეხვედრა შეერთებულ შტატებში, თუმცა როგორც უკვე გითხარით, ეს საკითხი „ბლანკოსს„ არ ეხება.“

„„რეალი“ ცდილობს განიხილოს ისეთი საკითხი, რაც მის კომპეტენციას ცდება.“