მადრიდის „რეალი“ დიდ ბრძოლაში ჩაბმას გეგმავს. საქმე ეხება ადამ უორტონს, ფეხბურთელს, რომელზეც პრეტენზიას ამ ეტაპზე 6 კლუბი აცხადებს.

„კრისტალ პალასის“ 21 წლის ნახევარმცველის ფასი უკვე 45 მილიონი ევროა, ის უკვე 2 წელია სტაბილურად პროგრესირებს და არაერთი კლუბის ყურადღებას იპყრობს.

უორტონი ცენტრალური ნახევარმცველია და ელეგანტური თამაშით გამოირჩევა, ის შესანიშნავ პასს ფლობს და თამაშის წაკითვაც შეუძლია.

2004 წელს დაბადებული ნახევარმცველით „რეალის“ გარდა მანჩესტერ „იუნაიტედი“, „სიტი“, „ლივერპული“, მილანის „ინტერი“ და ტურინის „იუვენტუსი“ ინტერესდებიან. 

ფეხბურთელს „კრისტალ პალასთან“ კონტრაქტი 2029 წლის 30 ივნისამდე აკავშირებს.

არსებული ინფორმაციით, ჩაბი ალონსომ „რეალის“ ხელმძღვანელობასთან ზემოაღნიშნულ ნახევარმცველთან დაკავშირებით დეტალური მოხსენება გააკეთა და დაასაბუთა საჭიროებები, რომელსაც ის დაფარავს.