ესპანური გამოცემების ცნობით, დანი სებალიოსი „რეალში“ დარჩენაზე აღარ ფიქრობს.

მეტიც, ესპანელმა ფეხბურთელმა პრეზიდენტ პერესს აცნობა, რომ გუნდის დატოვება სურს. სებას მთავარი მიზანი ისეთ გუნდში გადასვლაა, სადაც მუდმივი სათამაშო პრაქტიკა ექნება, ეს კი ესპანეთის ნაკრებისკენ გაუხსნის გეზს.

დანის აზრით, ის ჩაბი ალონსოსთვის საკვანძო მოთამაშედ არ განიხილება, სწორედ ამიტომ, წასვლა საუკეთესო გამოსავალი იქნება.

ამ ეტაპისთვის ერთადერთი გუნდი, რომელიც დანის მიმართ ინტერესს იჩენს „ბეტისია“, თუმცა ანდალუსიელების შეთავაზება იმდენად მწირია, რომ „ბლანკოსი“ მოლაპარაკებებს არ იწყებს.