ესპანური გამოცემების ცნობით, გუშინ და გუშინწინ ჩაბი ალონსოს მადრიდის „რეალის“ გენერალურ დირექტორთან და ბორდის წევრებთან ტიაგო პიტარჩის შესახებ საუბარი ჰქონდა.

როგორც ჩანს ალონსო ახალგაზრდა ნახევარმცველის დიდი თაყვანისმცემელია.

ჩაბის აზრით, ტიაგო ისე თამაშობს, როგორც გამოცდილი ნახევარმცველი, რომელსაც უმაღლეს დონეზე უასპარეზია.

ტიაგოში სამწვრთნელო შტაბი ძალიან დიდ პერსპექტივას ხედავს.

ფაქტობრივად გადაწყვეტილია, რომ მოთამაშე მთავარ გუნდში ითამაშებს, თუმცა მაღალი ალბათობით კასტილიელის სტატუსი ექნება.

ასევე ვრცელდება ინფორმაცია, რომლის მიხედვითაც, პიტარჩი „რეალთან“ ახალ კონტრაქტს მოაწერს ხელს და მისი გამოსასყიდი თანხაც კოლოსალური გახდება.