ესპანური გამოცემების ცნობით, ფლორენტინო პერესმა მანჩესტერ „სიტისთან“ მოლაპარაკებებს მწვანე შუქი აუნთო.

„რეალი“ მზად არის, როდრიგო ხოსეპ გვარდიოლას გუნდში გაუშვას, თანხა კი ცნობილია და 100 მილიონ ევროს შეადგენს.

ამასთანავე, ფლორენტინო გრძელვადიან გეგმებსაც აწესრიგებს და მიიჩნევს, რომ „ქალაქელებთან“ ურთიერთობის დათბობა 2026 წელს როდრის მადრიდში გადმოყვანაში დაეხმარება.

Confidencial-ის ინფორმაციით, 15 აგვისტოს ბრიტანული დელეგაცია შესაძლოა მადრიდს ესტუმროს და როდრიგოს ტრანსფერთან დაკავშირებით ოფიციალური შეხვედრები გამართოს.

ფაქტი ის არის, რომ მხარეებს შორის ამ ეტაპზე ინტენსიური მოლაპარაკებები მიმდინარეობს.