ბრიტანული გამოცემების ცნობით, ხოსეპ გვარდიოლა „სიტის“ ხელმძღვანელობისგან ქმედითი ნაბიჯების გადადგმას დაჟინებით მოითხოვს.

ესპანელ სპეციალისტს როდრიგო გოეშის დამატება სურს და მიიჩნევს, რომ ახლა ყველაზე კარგი დროა.

„სიტიდან“ წინახაზელები მიდიან, შესაბამისად, შევსებაც საჭიროა, პეპი კი მიიჩნევს, რომ „რეალის“ ფეხბურთელის დამატება იდეალური გადაწყვეტილება იქნება.

თავის მხრივ, არსებული ინფორმაციების მიხედვით, მანჩესტერული გრანდი თანახმაა, „რეალს“ 100 მილიონი ევრო გადაუხადოს.

მეტიც, გვარდიოლამ როდრიგოს პირადად დაურეკა და უთხრა, რომ მზად არის 6 წლიან კონტრაქტზე მოუწეროს ხელი, ამასთანავე აუხდინოს ოცნება და მარცხენა შემტევად ათამაშოს.