ვიტინია „რეალის“ საოცნებო ფეხბურთელია, „პსჟ“-ში კი პორტუგალიელ ნახევარმცველთან დაკავშირებით ნერვიულობა დაიწყეს.

საქმე იმაშია, რომ ფეხბურთელისა და პარიზული გრანდის კონტრაქტში დევს პუნქტი, რომლის მიხედვითაც, 2026 წლიდან მისი ყიდვა მსურველ კლუბს 90 მილიონ ევროდ შეეძლება.

ეს იმას ნიშნავს, რომ თუ თავად ფეხბურთელი წასვლა ისურვებს, ალ ჰელაიფი მას ხელს ვერ შეუშლის, „რეალს“ 90 მილიონის გადახდა მოუწევს.

„მარკას“ ინფორმაციით, აღნიშნული ინფორმაცია „რეალში“ ახლახანს გახდა ცნობილი და გარკვეული აქტივობები დაგეგმვის პროცესშია.