დანიელ კარვახალმა უმძიმესი ტრავმა იმკურნალა და მსოფლიო საკლუბო ჩემპიონატზე გუნდს ამერიკის შეერთებულ შტატებში გაყვა, თუმცა მისი დატვირთვა მაინც მინიმალური იყო.

გავიდა 1 თვე და დანი კვლავ საქმეშია. ესპანელ ფეხბურთელს ახლა დინამიკის პრობლემა არ აქვს, გამოცდილი ფეხბურთელი 100%-იან დატვირთვებს იღებს და ჩაბი ალონსოს ინტენსიურ მითითებებსაც არ გაურბის.

ესპანური გამოცემები იუწყებიან, რომ დანი სეზონის სტარტს მოწოდების სიმაღლეზე შეხვდება, თუმცა საკმაოდ დიდი კონკურენციის დაძლევა, მოუწევს ვინაიდან ახალი სეზონიდან მისი მეტოქე ტრენტ ალექსანდერ არნოლდი იქნება.

არსებული ინფორმაციით, ტესტ მატჩში, რომელსაც „რეალი“ 12 აგვისტოს გამართავს, კარვახალი სათამაშო დროს აუცილებლად მიიღებს.