„მილანმა“ ლუკა მოდრიჩი ოფიციალურად წარადგინა, რის შემდეგაც ხორვატმა ფეხბურთელმა პრესკონფერენცია გამართა.

„13 წლის შემდეგ მსოფლიოს უდიდესი კლუბი დავტოვე. მადრიდის „რეალი“ ჩემთვის ყველაფერია. საუკეთესო წლები სწორედ მადრიდულ გრანდში გავატარე და უამრავი ტიტული მოვიგე. მახსოვს ყველა ფინალი და ყველა დიდი ემოცია, რომელიც თეთრი მაისურით განვიცადე. ეს მართლაც განსაკუთრებული კლუბია, რომელიც ჩემგან დიდ პატივისცემას იმსახურებს.“

„„მილანში“ გადმოსვლის მიზეზი საკმაოდ ბევრია. ჩემთვის სერია „ა“ ყოველთვის განსაკუთრებული იყო, ვინაიდან როდესაც ბავშვი ვიყავი, იტალიის ჩემპიონატი საოცარი იყო, არაერთი ტოპ ვარსკვლავი თამაშობდა. არასდროს მავიწყდება ჩემი თანამემამულის, ზვონიმირ ბობანის გამოსვლები.“

„კარლო ანჩელოტის ბევრი ვესაუბრე, მან „როსონერიში“ იმოღვაწევა, როგორც მოთამაშის, ასევე მწვრთნელის რანგში. კარლიტოს როლი ყოველთვის ძალიან დიდი იყო. მან ყველაფერი მითხრა და ამიხსნა, როგორი სიტუაცია იყო მილანურ გუნდში.“

„ევროპული ფეხბურთის დატოვება არ მსურდა, რადგან ვფიქრობ, რომ შემიძლია კვლავ მოწოდების სიმაღლეზე დგომა. აქ ყველაზე მაღალი მოთხოვნებია და მე ეს მსიამოვნებს.“

„ნუ დაგვავიწყდება, რომ „მილანი“ ევროპის გრანდია, რომელმაც ჩემპიონთა ლიგის მოგება 7-ჯერ მოახერხა. მართალია ახლა გუნდი ევროსარბიელზე არ არის, მაგრამ ჩვენ უდა დავინახოთ დადებითი შტრიხებიც. მთელი სეზონის განმავლობაში ერთი კვირა გვექნება იმისთვის, რომ სათანადოდ მოვემზადოთ და სრულფასოვნად გავიაზროთ, კონკრეტული შეხვედრისთვის რა დაგვჭირდება. ეს დაგვეხმარება ენერგიის აღდგენასა და დიდი მიზნების მიღწევაში.“

„მე მსურს, რომ საკუთარი წვლილი შევიტანე მწვერვალზე დაბრუნებაში. „როსონერის“ აქვს პერსპექტივა, რომელიც აუცილებლად უნდა გამოვიყენოთ.“