მაშ ასე, როგორც დაანონსებული იყო, მადრიდის „რეალმა“ პრე-სეზონი დაიწყო.

სამედიცინო შემოწმების გავლის შემდეგ, ფეხბურთელებმა პირველი ვარჯიში ჩაატარეს.

ჩაბი ალონსომ სესია ორ ნაწილად გაყო. პირველ ნაწილში ყურადღება თავიდან ბოლომდე ფიზიკურ კონდიციებს მიექცა. მოთამაშეებმა სატრენაჟორო დარბაზში ივარჯიშეს, მეორე ნაწილი კი მწვანე მინდორზე გაგრძელდა.

ესპანელმა სპეციალისტმა დიდი ყურადღება დაუთმო პრესინგს, ბურთის ფლობის კომპონენტს, კარში დარტყმებს და მოკლე სივრცეში ზუსტ თამაშს.

ჯუდ ბელინგემი, ენდრიკი ფელიპე და ფერლან მენდი აღდგენით პროცესში არიან, დანარჩენი მოთამაშეები კი 100%-იან დატვირთვას იღებენ.