2021 წელს მარიო ხილამ „კასტილიას“ რიგები დატოვა და რომის „ლაციოს“ შეუერთდა, 4 წელიწადში კი მისი ფასი 30 მილიონ ევროს ცდება.

ესპანური გამოცემების ცნობით, მადრიდის „რეალი“ ხილას დაბრუნებას განიხილავს.

„მარკა“ იუწყება, რომ ფლორენტინო პერესმა ხილას „ჩელსიში“ ტრანსფერი ჩაშალა, ვინაიდან მოთამაშის სატრანსფერო უფლებების 50%-ს სწორედ მადრიდული გრანდი ფლობს.

ჩაბი მიიჩნევს, რომ ხილა დასაბრუნებლად მზად არის, თუმცა საბოლოო გადაწყვეტილება ჯერ მიღებული არ აქვს.

მარიო სერია „ა“-ში ერთ-ერთი საუკეთესო ცენტრალური მცველია, რომელსაც აქვს სტაბილური სათამაშო დროც.

გამომდინარე იქედან, რომ „ბლანკოსის“ დაცვის ცენტრში დიდი კონკურენციაა, ხილას სასტარტოში მოხვედრა გაუჭირდება, სკამზე ჯდომა კი მის გეგმებში არ შედის, რადგან არიან კლუბები, რომლებიც მას გარანტიას აძლევენ, რომ მუდმივ სათამაშო დროს დაუთმობენ.