ესპანური გამოცემების ცნობით, ჩაბი ალონსოს სამწვრთნელო შტაბმა პრე-სეზონის 2 კვირიან გეგმაზე მუშაობა დაასრულა.

გუნდი ყველაფერს გააკეთებს იმისთვის, რომ ლა ლიგის პირველ ტურს მოწოდების სიმაღლეზე შეხვდეს.

არსებული ინფორმაციით, ბასკი სპეციალისტი 2 ფორვარდიან სისტემაზე შეჯერდა, ეს კი იმას ნიშნავს, რომ „ბლანკოსი“ 4-4-2 და 3-5-2 სქემებს დაამუშავებს.

ამ ეტაპისთვის 4-3-3 ფორმაცია უკანა პლანზეა გადაწეული.

4 აგვისტოდან 18 აგვისტოს ჩათვლით „რეალს“ ინტენსიური ვარჯისები ექნება, ზოგიერთ შემთხვევაში გუნდი ორჯერ შეიკრიბება და დილის და საღამოს სესიებს გამართავს.

ამერიკული ტურნე ამ ზაფხულს არ შედგება, 12 აგვისტოს კი „მერენგები“ ინსბრუკში „ტიროლთან“ გამართავენ ტესტ მატჩს.