ვინისიუს ჟუნიორმა ვრცელი ინტერვიუ ჩაწერა და არაერთ საინტერესო საკითხს შეეხო.

„ჩემთვის ფეხბურთის თამაში არამხოლოდ კოლექტიური და ინდივიდუალური ჯილდოს მოგებისკენ სწრაფვა, არამედ მომავალი თაობისთვის მაგალითის მიცემაა.“

„„რეალი“ მსოფლიოში ყველაზე პოპულარული კლუბია, რომელში თამაშზეც ყველა ბრაზილიელი პატარა ოცნებობს. მე ვიცი გაჭირვება, რომელიც არაერთ ქალაქში არსებობს, ვიცი რამდენი შრომა უწევთ მშობლებს იმისთვის, რომ შვილებს ბურთი უყიდონ. ჩემს კარგ თამაშს არაერთი მნიშვნელობით უნდა ჰქონდს დადებითი გავლენა.“

„მე მივიღე ძალიან ამბიციური გადაწყვეტილება და შევებრძოლე ისეთ გამოწვევებს, რომელიც ერთი შეხედვით დაუძლეველ ჩანს.“

„მადრიდული მომავალი? შესვენების პერიოდშიც ბევრს ვვარჯიშობ და ვცდილობ, რომ პრე-სეზონის სტარტს მოწოდების სიმაღლეზე შევხვდე. ყოველდღიურად ვიტვირთები და სპეციალურ პროგრამას ვასრულებ.“

„საკმაოდ დიდი პასუხისმგებლობა მაქვს ბავშვების მიმართ, რომლებზეც ვზრუნავ. მსურს, რომ სამოქმედო არეალი კიდევ გავაფართოვო და ფეხბურთი ხელმისაწვდომი უფრო მეტი მცირეწლოვანისთვის გავხადო. ეს ძალიან მნიშვნელოვანია.“

„ჩემი მშობლები და ახლო ნათესავები ბევრს შრომობდნენ იმისთვის, რომ ბედნიერები ვყოფილიყავით, ახლა კი მათ როლში მე ვარ.“

„კრიშტიანო რონალდუ ყოველთვის იყო ჩემი ინსპირაცია. შეუძლებელია უყურებდა მას და არ მოგინდეს ვარჯიში, წინსვლაზე ფიქრი. ის არასდროს ჩერდებოდა და ახლაც ასეა. პორტუგალიელის შემთხვევაში, ასაკს მართლაც არანაირი მნიშვნელობა არ აქვს. მას 90 წუთის განმავლობაში გაუჩერებელი ბრძოლა და სირბილი შეუძლია.“

„მივიჩნევ, რომ მივედი იმ ასაკამდე, როდესაც შემიძლია, ყველაზე მაღალი დონე ვაჩვენო. ოპტიმისტი ვარ და მივიჩნევ, რომ ყველაფერი წინ არის.“

„შედეგები, რომელიც მადრიდში დავაფიქსირე ნამდვილად დამაკმაყოფილებელია, თუმცა მეტი მსურს და ამის რესურსიც მაქვს.“