დავიდ ალაბას მიმართ ინტერესი გამოხატა თურქულმა „ფენერბაჰჩემ“, რომელიც მზად არის, მადრიდის „რეალთან“ მოლაპარაკებები აწარმოოს.

ავსტრიელი ფეხბურთელი თურქეთის ჩემპიონატით არ ინტერესდება, მაგრამ ჯერ არ იცის, რა სახის ფინანსურ სარგებელს შესთავაზებს „ფენერი“ მას.

არსებული ცნობით, თურქები ალაბას 3 წლიან კონტრაქტს შესთავაზებენ, რომელზე ხელმოწერის შემთხვევაშიც, ის კლუბის ერთ-ერთი ყველაზე მაღალანაზღაურებადი მოთამაშე გახდება და ასევე, საიმიჯო უფლებების 90%-ის მფლობელი გახდება, რაც მისი სარეკლამო შემოსავლებიდან უდიდესი ნაწილის ფლობას ნიშნავს.

„მარკას“ ინფორმაციით, „რეალი“ ნებისმიერ გუნდთან სალაპარაკოდ მზად არის, რადგან დავიდის გაშვება და მისი ხელფასის (წლიურად 10 მილიონი) დაზოგვა სურს.