ესპანური გამოცემების ცნობით, ფლორენტინო პერესმა ვინისიუს ჟუნიორის წარმომადგენელთან საუბრისას მნიშვნელოვანი მესიჯები გააჟღერა.

„რეალი“ კარგად ხვდება და ითავისებს, რომ ვინისიუსის დონის ფეხბურთელის მოძიება დღევანდელ სატრანსფერო ბაზარზე ფაქტობრივად შეუძლებელია.

ამასთან ერთად კი ვინისიუსი უნდა ხვდებოდეს, რომ მისთვის „ბლანკოსში“ გრძელვადიანი დარჩენა საუკეთესო გადაწყვეტილება იქნება და პლანეტის მასშტაბით არ მოიძებნება გუნდი, სადაც ბრაზილიელი მოთამაშე თავს უფრო ბედნიერად იგრძნობს და მეტი პერსპექტივა ექნება.

სამეფო კლუბი თანამშრომლობისთვის მზაობას გამოთქვამს და არც ხელფასის მნიშვნელოვან გაზრდაზე ამბობს უარს, მაგრამ ვინისიუსი კილიან მბაპეს ხელფასს ამ ეტაპისთვის ვერ მიიღებს.

ფლორენტინოს აზრით, ვინისიუსს ცხოვრების არცერთ ეტაპზე არ აკლდა როგორც პრეზიდენტის პერსონალური მხარდაჭერა, ასევე კლუბის თანადგომა.

და ბოლოს, ვინისიუსმა უკვე 2-ჯერ მოიგო ჩემპიონთა ლიგა, რაც დიდი ეპოქის მანიშნებელია, თუმცა სამეფო კლუბში ირიცხებოდნენ ფეხბურთელები, რომლებმაც ეს 4-ჯერ, 5-ჯერ და 6-ჯერ შეძლეს, ეს კი ვინისთვის გამოწვევა უნდა იყოს. ასევე სამხრეთ-ამერიკელმა არ უნდა დაივიწყოს, რომ ოქროს ბურთისკენ ყველაზე მოკლე გზა მადრიდიდან მიდის.