იბუ კონატეს მიმართ ინტერესი იზრდება. მოგეხსენებათ, უკანახაზელს „ლივერპულთან“ კონტრაქტი 1 წელიწადში ეწურება, სწორედ ამიტომ, მისი „ენფილდიდან“ აბარგების შანსი დიდია.

ნასერ ალ ჰელაიფი გააქტიურებას და ბრძოლაში შესვლას გეგმავს. „პსჟ“-ს დაცვის ხაზის გაძლიერება აქვს გადაწყვეტილი.

თუ ფრანგები „ლივერპულს“ მიმზიდველი წინადადებით მიმართავენ, „რეალის“ ამოცანა გართულდება, მაგრამ თავად ფეხბურთელის პოზიცია მკაფიოა, მას „რეალში“ თამაში სურს, ეს კი ფლორენტინო პერესს დიდ უპირატესობას აძლევს.

ესპანური გამოცემების ცნობით, „რეალი“ კონატესთან დაკავშირებით აგვისტოს მეორე ნახევარში გააქტიურდება და „ლივერპულის“ დარწმუნებას შეეცდება, სხვა შემთხვევაში კი 2026 წლის ზაფხულს დაელოდება და მოთამაშის უფასოდ დამატებაზე იზრუნებს, თუმცა ამისთვის, იბიმ დიდ წნეხს უნდა გაუძლოს.