როდრიგო გოეშის წარმომადგენლობა სხვა კლუბებთან მოლაპარაკებებს არაერთი მიმართულებით აწარმოებს.

ესპანური გამოცემების ცნობით, „არსენალი“ ბრაზილიელისთვის ბრძოლას გამოეთიშა, მაგრამ თუ მიკელ არტეტა, რომელიმე ტრანსფერიდან სერიოზულ შემოსავალს მიიღებს, შესაძლოა ინტერესი განაახლოს.

ასევე ვრცელდებოდა ინფორმაცია, რომლის მიხედვითაც, გოეშის დამატება „პსჟ“-ს სურდა, თუმცა საფრანგეთში აღნიშნული ინფორმაცია უარყვეს.

როდრიგოს წარმომადგენლობა შეხვდა „ლივერპულის“ ხელმძღვანელობასაც, რომელმაც ლუიშ დიაში უკვე გაასხვისა და წინახაზელის ძიებაშია.

რაც შეეხება „ტოტენჰემს“, ლონდონელები ძალიან აქტიურობენ, მაგრამ საქმე იმაშია, რომ თავად ფეხბურთელს „ტოტენჰემში“ გადასვლა არ სურს.