ჩაბი ალონსოს სატრანსფერო ფანჯარა ჯერ არ დაუხურავს. ბასკი სპეციალისტი ესპანეთის დედაქალაქში 31 ივლისს ჩავა.

დაგეგმილია შეხვედრა კლუბის გენერალურ დირექტორთან და პრეზიდენტ პერესთან.

ალონსო ტრანსფერს კიდევ ითხოვს, თანაც არაერთს. მისი მთავარი მოთხოვნა ახალი ნახევარმცველია, მაგრამ არაერთი ავტორიტეტული გამოცემის ცნობით, „რეალი“ ნახევარმცველთან ერთად კიდევ ერთი ფეხბურთელის დამატებას გეგმავს.

ამასთანავე, კლუბში აქტიურად განიხილავენ წამსვლელი ფეხბურთელების სიასაც.

ამ ეტაპისთვის მადრიდული მომავალი გარანტირებული არ აქვთ ფერლან მენდის, როდრიგო გოეშს, დავიდ ალაბას, ენდრიკ ფელიპეს, ფრან გარსიას და დანი სებალიოსს.