ტრენტ ალექსანდერ არნოლდი ჩაბი ალონსოს პირველი არჩევანი იქნება. ესპანელი სპეციალისტი ინგლისელ ფეხბურთელზე ძალიან დიდ იმედებს ამყარებს.

არავინ იცის, რა ბედი ეწევა დანიელ კარვახალს, თუმცა ფაქტია, რომ ჩაბი არჩევანს ტრენტზე აკეთებს, ვინაიდან მის ტაქტიკურ მონახაზში ყველაზე მეტად სწორედ „ლივერპულის“ ექს ფეხბურთელი ჯდება.

ტრენტის სისწრაფე, ტექნიკური შესაძლებლობები და თამაშის მანევრი ალონსოს ძალიან მოსწონს.

„მარკას“ ცნობით, ჩაბი ძალიან ბედნიერია, რომ ალექსანდერ არნოლდმა „რეალზე“ გააკეთა არჩევანი და ეს ტრანსფერი იმაზე ბევრად მნიშვნელოვანია, ვიდრე ერთი შეხედვით ჩანს.

ტრენტი 4 აგვისტოს ბაზაზე გამოცხადდება და ვარჯიშს დაიწყებს.