მადრიდის "რეალის" საკალათბურთო გუნდის მთავარმა მწვრთნელმა, ეტორე მესინამ საკუთარ გუნდზე და "ACB"-ს ლიგაზე ისაუბრა. მისი თქმით აუცილებელია ამ ტურნირის წარმატების დაწყება.

"ტურნირის კარგად დაწყება გუნდისთვის ყოველთვის ძალიან მნიშვნელოვანია, ჩემი გუნდი მზად არის წარმატების მისაღწევად. მომდევნო მატჩი ძალიან მნიშვნელოვანი იქნება კარლოს სუარესია და სერხიო როდრიგესისთვის, მე მათ პროფესიონალიზმში დარწმუნებული ვარ და ეჭვი არ მეპარება იმაში, რომ ისინი შეძლებენ საკუთარი ძალების კარგად წარმოჩენას."

"ჩემი გუნდი ძალიან მონდომებულია და პროგრესი ნამდვილად შესამჩნევია, მიუხედავად იმისა, რომ ძალიან ახალგაზრდა გუნდი მყავს, მაინც ანგარიშგასაწევი ძალა ვართ, ჩვენი წინსვლა გრძელდება და არასდროს აპირებს წყვეტას."

"ესტუდიანტესს ყველანაირად კარგი გუნდი ჰყავს, ისინი მასპინძლის როლში იქნებიან და რა თქმა უნდა უპირატესობის მოპოვებასა და მოგებას ეცდებიან, მათ რიგებში რამდენიმე ძალიან ძლიერი კალათბურთელი ირიცხება, მათ შორის იენესენი, რომელმაც მსოფლიო ჩემპიონატზე იდეალური შთაბეჭდილება დატოვა, მაგრამ ჩვენ უკან არ ვიხევთ, ყველაფერს გავაკეთებთ გასამარჯვებლად."