ესპანური გამოცემების ცნობით, ახალგაზრდა კანტერანო მარიო მარტინი, რომელსაც „რეალის“ მთავარ გუნდშიც ჰქონდა დებიუტი, „ხეტაფეში“ გადასვლასთან ახლოს არის.

ფეხბურთელი ასევე იჯარის წესით „ვალიადოლიდის“ რიგებშიც თამაშობდა.

მარტინს უკვე ჰქონდა შეხვედრა „ხეტაფეს“ ხელმძღვანელობასთან და 1 წლიანი საიჯარო ხელშეკრულების დეტალები გაიარა.

ასევე ცნობილია, რომ „ხეტაფეს“ ხელმძღვანელობა „რეალის“ გენერალურ დირექტორს შეხვდა და იჯარაზე სიტყვიერ შეთანხმებას მიაღწია.

„მარკას“ ინფორმაციით, მაქსიმუმ 48 საათში მარიოს საიჯარო ტრანსფერი ოფიციალურად დადასტურდება.