ფედერიკო ვალვერდე უკვე 27 წლის არის. ურუგვაელმა მიიღო უდიდესი გამოცდილება, მოიგო უამრავი ტიტული და გახდა „რეალის“ ქომაგების ერთ-ერთი ყველაზე მნიშვნელოვანი და საყვარელი ფეხბურთელი.

ახლა ფედემ საკუთარი გამოცდილება, შესაძლებლობები და შემართება საუკეთესო სეზონებისთვის უნდა გამოიყენოს.

დიახ, ფედერიკოსთვის საუკეთესო დრო სწორედ ახლა უნდა დადგეს და მადრიდში მის მიმართ დიდი მოლოდინია.

ვალვერდემ კარიერის საუკეთესო 3-4 წელი სწორედ ახლა უნდა ჩაატაროს, ჩაბი ალონსო კი მას „რეალის“ ნახევარდაცვის შეუცვლელ წევრად მიიჩნევს.

ტრენტ ალექსანდერ არნოლდის ტრანსფერმა დაცვის ფლანგზე ყველა პრობლემა მოაგვარა, რაც ფედერიკოს საკუთარ პოზიციაზე დაბრუნების და შესაძლებლობების 100%-ის გამოვლენის შანსს მისცემს.

4 აგვისტოს ვალვერდე „რეალთან“ ერთად პრე-სეზონს დაიწყებს.