ენდრიკ ფელიპეს „რეალში“ დარჩენა სურს, მაგრამ სამეფო კლუბი ბრაზილიელის იჯარით გაშვებას განიხილავს.

პერესს სურს, რომ ენდრიკმა დიდი გამოცდილება მიიღოს, ამისთვის კი სათამაშო პრაქტიკაა საჭირო. ამას ემატება მსოფლიოს 2026 წლის ჩემპიონატიც, რაც ფელიპესთვის დამატებითი შანსი იქნება. თუ ბრაზილიელი ახალ სეზონში პრაქტიკას მიიღებს, კარლო ანჩელოტის გუნდში გამოძახების შანსიც გაიზრდება, სხვა შემთხვევაში კი, ის ნაკრებში ვერ მოხვდება.

მადრიდში მიაჩნიათ, რომ საუკეთესო ვარიანტი კვლავ ლა ლიგაში დარჩენა იქნება, თუმცა ენდრიკის მიმართ ინტერესი ბუნდესლიგაშიც არსებობს.

„მარკას“ ინფორმაციით, „ბლანკოსი“ მოლაპარაკებებს ხსნის და საიჯარო ხელშეკრულებებს აქტიურად განიხილავს.