ესპანური გამოცემების ცნობით, ფრან გარსიას „რეალში“ დარჩენის შანსი დიდია.

ჩაბი ალონსო სწორედ ესპანელ განაპირა მცველს ირჩევს, ფერლან მენდის კი არ ენდობა.

გამომდინარე იქედან, რომ ფერლანს ტრავმა აქვს, მისი გაყიდვა ურთულესი საქმეა, სწორედ ამიტომ, „რეალს“ მოუწევს ფრანგის ფასი მიზერული გახადოს.

ალვარო კარერასის დამატების შემდეგ „რეალში“ სამი მარცხენა მცველი ირიცხება, ერთ-ერთმა კი კლუბი აუცილებლად უნდა დატოვოს, დიდი ალბათობით კი ეს მენდი იქნება.

ბოლოს განახლებული ხელშეკრულების მიხედვით, ფერლანი „ბლანკოსში“ 2028 წლის 30 ივნისამდე უნდა დარჩეს, თუმცა ამის წარმოდგენა ფაქტობრივად შეუძლებელია.