ესპანური გამოცემების ცნობით, კანტერანო ჩემას ოჯახი შტუტგარტში იმყოფება.

ესპანელი ნახევარმცველით რამდენიმე ბუნდესლიგური კლუბი ინტერესდება, მაგრამ როგორც ჩანს, ყველაზე მეტად „შტუტგარტი“ აქტიურობს.

გავრცელებული ცნობების მიხედვით, ჩემას ტრანსფერი გერმანულ კლუბს 3 მილიონი ევრო დაუჯდება, მაგრამ მომდევნო 4 წლის განმავლობაში „რეალს“ მოთამაშის სატრანსფერო უფლებების 50% ექნება შენარჩუნებული, რაც იმას ნიშნავს, რომ როგორც მისი უკან დაბრუნება, ასევე სხვა კლუბში წასვლის შემთხვევაში, სატრანსფერო ღირებულების ნახევრის მიღება შეეძლება.

„მარკას“ ცნობით, ჩემა ანდრესის  ბუნდესლიგაში გადასვლის დადასტურება მალე მოხდება.