დანი სებალიოსისთვის ბრძოლაში „მილანი“ დაბრუნდა.

იტალიურ კლუბს „რეალთან“ მოლაპარაკებები ადრეც ჰქონდა, მაგრამ ფინანსურ საკითხებზე შეუთანხმებლობის გამო, პროგრესი ვერ დაფიქსირდა.

სებას ფასი 15-20 მილიონი ევროა, „როსონერისთვის“ კი ეს თანხა უკვე საინტერესოა.

„შავ-წითლებში“ მიიჩნევენ, რომ ნახევარდაცვის ხაზისთვის სებალიოსის და მოდრიჩის ყოლა უკვე დიდი ნაბიჯი იქნება.

„მილანს“ ახალ სეზონში სერია „ა“-ს მოგება აქვს მიზნად დასახული და შემადგენლობის სერიოზულ გაძლიერებაზე ფიქრობენ.

იტალიური გამოცემების ცნობით, მოლაპარაკებები ხელახლა იწყება და „როსონერი“ ეცდება, პრე-სეზონის ფარგლებში დანი იტალიაში ჩაიყვანოს.