ესპანური და ბრიტანული გამოცემების ცნობით, როდრიგო გოეში და „ლივერპული“ ერთმანეთთან პირდაპირ კონტაქტზე არიან.

ინგლისურ კლუბს სამეფო კლუბთან გარკვეული კომუნიკაცია ჰქონდა, პერესმა კი ბრაზილიელს „ენფილდელებთან“ მოლაპარაკებების უფლება მისცა.

ამ ეტაპზე მერსისაიდელებსა და მადრიდელებს შორის მოლაპარაკებები არ მიმდინარეობს, მაგრამ გოეში ეცნობა პროექტს, რომელიც არნე სლოტს აქვს შექმნილი.

თუ ფეხბურთელი ინგლისში გადასვლას დათანხმდება, „რეალი“ ტრანსფერის სანაცვლოდ 100-იდან 110 მილიონ ევრომდე მიიღებს.

„მარკას“ ინფორმაციით, მოლაპარაკებები პროგრესირებს და შეთანხმება სავსებით შესაძლებელია.