მადრიდული გამოცემების ცნობით, ვინისიუს ჟუნიორსა და მადრიდის „რეალს“ შორის მოლაპარაკებების ახალი რაუნდი ჩაინიშნა.

ბრაზილიელი ფეხბურთელი 7-იდან 10 აგვისტოს შუალედში სამეფო კლუბის წარმომადგენლებს შეხვდება და ახალი კონტრაქტის საბოლოო დეტალებს განიხილავს.

ცნობილია, რომ „რეალის“ ვარსკვლავმა საუდის არაბეთიდან მომდინარე წინადადებები დაბლოკა, ეს კი იმას ნიშნავს, რომ მას კლუბის შეცვლა არ სურს.

„მარკას“ ცნობით, „რეალი“ წინადადების შეცვლას არ აპირებს, ვინისიუსი კი გარკვეულ დათმობებზე წავა.

რაც შეეხება ვადებს. ძალიან დიდი ალბათობით, ბრაზილიელი ვარკსლავი „ბლანკოსთან“ 5 წლიან კონტრაქტს მოაწერს ხელს, რომელიც ძალაში 2030 წლის 30 ივნისამდე იქნება.