„მარკას“ განახლებული ინფორმაციის მიხედვით, ენდრიკ ფელიპე მადრიდის „რეალის“ პრე-სეზონს მთლიანად ჩააგდებს.

სამედიცინო ტესტირებამ აჩვენა, რომ ბრაზილიელ ფეხბურთელს მოედანზე დასაბრუნებლად 8-10 კვირა დასჭირდება, ეს კი იმას ნიშნავს, რომ საუკეთესო შემთხვევაში სექტემბრის მეორე ნახევარში დაიწყებს ვარჯიშს.

ენდრიკისთვის ეს საკმაოდ მძიმედ აღსაქმელია, მაგრამ გუნდი მას მხარს უჭერს.

შექმნილია სპეციალური პროგრამა, რომელსაც ფელიპე მიყვება და კონდიციების გაუმჯობესებას ცდილობს, თუმცა დღევანდელი გადასახედიდან მოთამაშის უფრო ადრე დაბრუნების შანსი არ არსებობს.