დღეს, 22 ივლისს მადრიდის „რეალის“ ვარსკვლავს, ფედე ვალვერდეს დაბადების დღე აქვს.

ურუგვაელი ფეხბურთელი 27 წლის გახდა.

ისტორია, რომელსაც ფედერიკო მადრიდის „რეალის“ რიგებში წერს მართლაც ფასდაუდებელია.

ვალვერდე 1998 წელს ურუგვაის ქალაქ მონტევიდეოში დაიბადა და პროფესიონალური კარიერაც იქ დაიწყო. ფედეს დებიუტი მადრიდულ გრანდში 2018 წელს, ჩემპიონთა ლიგის დაპირისპირებაში შედგა, რომელიც „მერენგებმა“ „ვიქტორია პლზენის“ წინააღმდეგ ჩაატარეს.

სამხრეთ-ამერიკელის აქტივში „რეალის“ რიგებში 14 ტიტულია. ფედეს ანგარიშზეა ჩემპიონთა ლიგის 2 თასი, ასევე ორი ევროპის სუპერთასი, 3 მსოფლიო საკლუბო ჩემპიონატი, 3 ლა ლიგა, 3 ესპანეთის სუპერთასი და 1 სამეფო თასი.