დღეს, 16 ივლისს 25 წელიწადი გავიდა მას შემდეგ, რაც „რეალში“ ფლორენტინო პერესი პირველი ვადით აირჩიეს.

მას შემდეგ იყო რამდენიმეწლიანი პაუზა და ხელახლა დაბრუნება, თუმცა საბოლოო ჯამში ათწლეულების მანძილზე გაწეულმა შრომამ საკუთარი შედეგი გამოიღო.

პერესის ეპოქაში საფეხბურთო კლუბმა 37 ტიტული მოიგო, ხოლო საკალათბურთომ 29.

პერესის აქტივშია მოდერნიზენული სანტიაგო ბერნაბეუ, „რეალის“ საწვრთნელი ბაზა და არაერთი მნიშვნელოვანი პროექტი, რომელმაც „ბლანკოსში“ მსოფლიოში ყველაზე ძვირადღირებულ სპორტულ გუნდად აქცია.