მადრიდის „რეალი“ ლუკას ვასკესს ხვალ დაემშვიდობება. ფლორენტინო პერესის გადაწყვეტილებით, 15:00 საათზე დაიგეგმა სპეციალური ღონისძიება, რომელსაც კლუბის მმართველიც დაესწრება.

სპეციალურ პედესტალზე გამოტანილი იქნება ვასკესის მოგებული 23-ივე თასი.

ამ ნაბიჯით „რეალს“ სურს, კიდევ ერთხელ გამოხატოს დიდი სიყვარული და პატივისცემა ფეხბურთელის მიმართ, რომელმაც 10 წლის განმავლობაში, კარიერის საუკეთესო წლები მიუძღვნა მადრიდულ გრანდს.