კარერასი:,,ოცნების კლუბში დავბრუნდი"
ალვარო კარერასმა მადრიდის „რეალის“ ფეხბურთელის რანგში პირველი პრესკონფერენცია გამართა.
„ოცნებებში ვცხოვრობ. მოუთმენლად ველი სეზონის დაწყებას და სანტიაგო ბერნაბეუზე თამაშს.“
„„ბენფიკას“ ღირსებას ვიცავდი და ამ გუნდს დიდ პატივს ვცემ. ყველაფერი გავიღე ლისაბონური კლუბის წარმატებისთვის. პორტუგალიელებს წარმატებას ვუსურვებ.“
„ყოველთვის ვოცნებობდი „რეალში“ დაბრუნებაზე, რადგან მადრიდისტა ვარ. ეს ოცნების ახდენაა.“
„ეს დღე ჩემ ცხოვრებაში საუკეთესოა.“
„რობერტო კარლოსი და მარსელო ვიეირა ჩემი შთაგონების წყაროები არიან. მსურს, მათსავით დიდი კარიერა მქონდეს.“
„დიახ, „რეალში“ ორი მარცხენა მცველია ფრან გარსიასა და ფერლან მენდის სახით. ორივე მოთამაშეს დიდი გამოცდილება აქვს.“
„ანხელ დი მარია ყოველთვის მხარს მიჭერდა, ის ჩემი მეგობარია. „რეალში“ გადმოსვლის წინ ანხელმა მითხრა, რომ წინ წარმატებული წლები მელის.“
„გპირდებით, რომ ყველგან და ყოველთვის მოწოდების სიმაღლეზე ვიდგები. „რეალში“ ტიტულების მოსაგებად ჩამოვედი.“
„ნომერს გადამწყვეტი მნიშვნეობა არ აქვს. დარწმუნებული ვარ, „მერენგების“ რიგებში წარმატებას ნებისმიერი ნომრით მივაღწევ.“
- 15 ივლისი 2025
- 2 191
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
