ჩაბი ალონსოს პრე-სეზონის დაწყების თარიღი ჯერ კიდევ არ დაუსახელებია, თუმცა საუბარია ორ თარიღზე.

„მერენგები“ სესიებს ან 29, ან 31 ივლისს განაახლებენ. გამოდის, რომ მსოფლიო საკლუბო ჩემპიონატის შემდეგ გუნდს მხოლოდ 3 კვირა ექნება დასასვენებლად.

ჩაბი აპირებს, რომ სამედიცინო ჯგუფთან და ფიზ.მომზადების სპეციალისტებთან ერთად დამატებითი კონსულტაციები გაიაროს, რის შემდეგაც ზუსტად დაადგენს, როდის იქნება უმჯობესი სესიების განახლება.

გამომდინარ იქედან, რომ „რეალმა“ ლა ლიგის პირველი ტური 19 აგვისტოს უნდა ჩაატაროს, პრე-სეზონისთვის გუნდს მხოლოდ 19-20 დღე ექნება.