მადრიდული გამოცემების ცნობით, გუშინ საღამოს ფლორენტინო პერესს, ხოსე ანხელ სანჩესსა და ჩაბი ალონსოს შორის შეხვედრა შედგა.

ესპანელმა სპეციალისტმა გუნდის ხელმძღვანელობას საკუთარი ხედვები და სატრანსფერო მოთხოვნები გააცნო.

ალონსო სასიცოცლოდ მნიშვნელოვნად მიიჩნევს ცენტრალური ნახევარმცველის დამატებას, რომელიც თამაშის ტემპის გაკონტროლებას შეძლებს.

ჩაბის ფავორიტი ნიკოლო ბარელაა, მას ასევე ძალიან მოსწონს ალექსის მაკ ალისტერი, მაგრამ „ლივერპულთან“ შეთანხმება ფაქტობრივად წარმოუდგენელია.

ესპანური გამოცემების ცნობით, „ბლანკოსს“ კონკრეტული გეგმა უკვე შემუშავებული აქვს და ჩაბიმ მიიღო მყარი პირობა ახალ ფეხბურთელებთან დაკავშირებით.

გარდა ამისა, ცნობილი ხდება, რომ არდა გიულერზე „მერენგებში“ დიდი გათვლა გაკეთდება. ალონსო დარწმუნებულია თურქის შესაძლებლობებს და სჯერა პოტენციალის, რომელიც თურქ ფეხბურთელს აქვს.