როგორც ჩანს, მილანის „ინტერს“ ნიკოლო ბარელას შენარჩუნება გაუჭირდება.

მადრიდის „რეალი“ დანებებას არ აპირებს და იტალიელი ნახევარმცველისთვის ბრძოლას გეგმავს.

„მარკას“ ცნობით, ფლორენტინო პერესი ახალ წინადადებას ამზადებს, რომელიც საკმაოდ მიმზიდველი იქნება.

გამომდინარე იქედან, რომ ნახევარდაცვაში ინტელექტუალური შესაძლებლობების მქონე ფეხბურთელის დამატება სასიცოცხლოდ მნიშვნელოვანია, „რეალი“ დიდი თანხის გადახდაზე უარს არ იტყვის.

არსებული ცნობით, „ბლანკოსი“ ნიკოლოსთვის 5 წლიან კონტრაქტს ამზადებს, „ინტერი“ კი გაუმჯობესებულ პირობებს მიიღებს.

რაც შეეხება თავად ფეხბურთელს, იტალიელი ჯერ-ჯერობით ისვენებს და მოვლენების განვითარებას ელოდება.