ბრიტანული გამოცემების ცნობით, „ლივერპულს“ ურჩევნია იბრაჰიმა კონატე ამ ზაფხულს შეინარჩუნოს და მომდევნო ზაფხულს უფასოდ გაუშვას, ვიდრე ამ ზაფხულს მინიმალური თანხა მიიღოს.

ამასთანავე, „მერსისაიდელები“ იმედოვნებენ, რომ კონატე ზეწოლას ვერ გაუძლებს და კლუბთან ახალ კონტრაქტს დათანხმდება.

პარელელურად, ფლორენტინო პერესი ცენტრალურ მცველებზე მუშაობას ააქტიურებს, კონატეს კანდიდატურა კი ძალიან მოსწონს.

„რეალი“ აპირებს, რომ „ლივერპულს“ 20 მილიონი ევრო შესთავაზოს, ვინაიდან მოთამაშის კონტრაქტში 1 წელიწადზე ნაკლებია დარჩენილი.

Daily Star-ის ცნობით, მადრიდული გრანდი ცენტრალურ მცველებთან დაკავშირებით სწორედ პრემიერლიგის წარმომადგენლებს ანიჭებს უპირატესობას.