მიუხედავად იმისა, რომ ვინისიუს ჟუნიორის ახალ კონტრაქტზე ესპანურ მედიაში ძალიან ბევრი იწერებოდა, ხელშეკრულება ხელმოწერილი არ არის.

მეტიც, ვინი ამერიკის შეერთებულ შტატებში დარჩა, სადაც შვებულების ნაწილს გაატარებს. ეს კი იმას ნიშნავს, რომ არც მომდევნო დღეებში შედგება მოლაპარაკება და დეტალების დაზუსტება.

უნდა აღინიშნოს, რომ ბრაზილიელ ფეხბურთელს „ბლანკოსთან“ არსებული ხელშეკრულება 2027 წლის 30 ივნისს ეწურება, ეს კი იმას ნიშნავს, რომ კონტრაქტით მხოლოდ 2 წელია დარჩენილი.

მადრიდის „რეალს“ შემტევთან თანამშრომლობის გაგრძელება 2030 წლის 30 ივნისამდე სურს.

„მარკას“ ცნობით, პრე-სეზონის განახლების შემდეგ მოლაპარაკებებიც უნდა განახლდეს.