ალვარო კარერასის ტრანსფერთან დაკავშირებით სულ მალე ოფიციალური განცხადება უნდა გაკეთდეს, ამ მხრივ კი ფლორენტინო პერესი მარცხენა მცველის პრობლემას მოაგვარებს.

ესპანელი ფეხბურთელის გამადრიდელება ფერლან მენდის შანსს ანულებს. ფლორენტინოს გადაწყვეტილი აქვს, რომ ფრანგი მოთამაშე გაუშვას, მაგრამ სიტუაციას ართულებს ტრავმა, რომელიც მოთამაშეს აქვს.

მენდი მოედანს კიდევ 3 თვე ვერ დაუბრუნდება, დაზიანების მქონე მოთამაშის გაყიდვა კი უდიდეს სირთულეებთან არის დაკავშირებული.

მადრიდული გამოცემების ცნობით, „რეალი“ მოლაპარაკებებისთვის აბსოლუტურად ღიაა და ყველა წინადადებას განიხილავს, რომელსაც მიიღებს.