ორელიან ჩუამენიმ „პსჟ“-სთან შეხვედრის წინ მედიის წარმომადგენლებთან ისაუბრა.

„ჩვენ ოპტიმისტურად ვართ განწყობილნი. ვიცით, რომ „პსჟ“ შესანიშნავი გუნდია და კიდევ პროგრესირებს, მაგრამ არაფრის გვეშინია. თითოეული ფეხბურთელი დარწმუნებულია საკუთარ შესაძლებლობებში.“

„გუნდს აქვს შესაბამისი შემართება, ჩვენი ერთობლივი მიზანი ფინალში გასვლა და გამარჯვებაა.“

„ჩაბი ალონსოსთან ერთად ფეხბურთელები ყოველდღიურად ვითარდებიან. ახლა გაცილებით უკეთ გვესმის სამწვრთნელო შტაბის მოთხოვნების, ვიდრე თუნდაც 2 კვირის წინ. ეს დინამიური პროცესია.“

„პირად დონეზე თავს კომფორტულად ვგრძნობ. არაერთხელ მითქვამს, მე ნახევარმცველი ვარ და ყველაზე მეტად შუა რგოლში თამაში მსიამოვნებს, თუმცა დგება მომენტები, როდესაც სხვაგანავ ვარ საჭირო.“