ბრიტანული გამოცემების ცნობით, მანჩესტერ „იუნაიტედს“ მადრიდის „რეალის“ კიდევ ერთი ფეხბურთელი სურს და მხოლოდ როდრიგო გოეშის მიმართ ინტერესით არ კმაყოფილდება.

საქმე ეხება ორელიან ჩუამენის, რომლის სანაცვლოდაც ბრიტანული მხარე 90 მილიონი ევროს გადახდაზეა თანახმა.

2022 წელს ფლორენტინო პერესმა ორელიანის სანაცვლოდ „მონაკოს“ 80 მილიონი ევრო გადაუხადა.

მანჩესტერში ნახევარდაცვის გაძლიერებაზე სერიოზულად მუშაობენ და მიიჩნევენ, რომ ჩუამენი იდეალური ვარიანტია.

იმ ფონზე, რომ „ბლანკოსს“ ფრანგის გარდა ტიპიური ჩამშლელი არ ჰყავს, მოლაპარაკებები საკმაოდ რთული იქნება, მაგრამ თუ ჩაბი ალონსო ალტერნატივას იპოვის, ჩუამენის წასვლა გამორიცხული აღარ იქნება.