თუ ბრაზილიელი როდრიგო თანახმა იქნება, „რეალი“ მას დღესვე გაყიდის, ვინაიდან ფლორენტინო პერსმა კოლოსალური წინადადება მიიღო.

არც „არსენალი“, არც მანჩესტერ „სიტი“, არც „ბაიერნი“ და არც სხვა ევროპული გუნდები არ გადაიხდიან იმდენს, რამდენად გადაიხდის „ალ ჰილალი“.

არსებული ცნობით, საუდის არაბეთის გუნდს როდრიგოს სანაცვლოდ 160 მილიონი ევროს გადახდა შეუძლია, ეს კი „რეალის“ ისტორიის ახალი ფურცელი იქნება.

როდრიგო ამ ეტაპზე ამერიკის შეერთებულ შტატებში გუნდთან ერთად იმყოფება, მაგრამ მისი წასვლის შანსი ძალიან დიდია. თუ სამხრეთ-ამერიკელი საუდის არაბეთში წასვლაზე თანხმობას განაცხადებს, „რეალი“ მას აუცილებლად გაყიდის.