მადრიდის „რეალი“ შეშფოთებულია ლა ლიგის კალენდარით და მაქსიმალურად ცდილობს, პირველი ტურის დაპირისპირება გადადოს.

ესპანურმა კლუბმა ლა ლიგის ადმინისტრაციას უკვე მიმართა. „რეალის“ ხელმძღვანელობის აზრით, მატჩის 29 ოქტომბერს ჩატარება ოპტიმალური გადაწყვეტილება იქნება.

მსოფლიო საკლუბო ჩემპიონატის გამო კლუბი დასვენებას საერთოდ ვერ ასწრებს, აგვისტოში კი ტურნირები იწყება.

ფლორენტინო პერესის აზრით, თუ ლა ლიგა დათმობაზე წავა და „ბლანკოსი“ ტურნირს მეორე ტურიდან შეუერთდება, ჩაბი ალონსოს ბიჭებს მოსამზადებლად მეტი დრო ექნებათ, აქ კი 4 და 5 დღესაც გადამწყვეტი მნიშვნელობა აქვს.

„მარკას“ ცნობით, ლა ლიგის ადმინისტრაციის მხრიდან ოფიციალური პასუხი ჯერ არ არსებობს, საქმე კი განხილვას არის დაქვემდებარებული.