ფედერიკო ვალვერდეს არანორმალური შედეგები აქვს.

ურუგვაელმა ფეხბურთელმა ამ სეზონში ყველა დროის რეკორდი მოხსნა, რაც პირველ რიგში, რა თქმა უნდა, მსოფლიო საკლუბო ჩემპიონატზე გამართული დამატებითი მატჩების გამო მოხდა.

სამხრეთ-ამერიკელ ფეხბურთელს ამ სეზონში უკვე 64 დაპირისპირება აქვს ჩატარებული, სადაც 5462 წუთს მოითვლის.

მსგავსი შედეგი „რეალის“ ისტორიაში არცერთ ფეხბურთელს არასდროს ჰქონია.

ფაქტია, რომ ვალვერდე არანორმალურად დიდ დატვირთვებს უძლებს.

თუ ჩავთვლით სანაკრებო შეხვედრებსაც, სადაც ვალვერდეს ჯამურად 1 000 წუთზე მეტი აქვს ნათამაშები, ფედეს მაჩვენებლები მართლაც არანორმალურია.