ედუარდო კამავინგამ „დორტმუნდთან“ მატჩის წინ კომენტარი გააკეთა, სადაც მომავალზეც ისაუბრა.

„მე ვბრუნდები, ტრავმა კი უკან მორჩა. საკმაოდ ხანგრძლივი და ნაყოფიერი სარეაბილიტაციო კურსი გავიარე.“

„ჩაბი ალონსოს უყვარს ინტენსივობა, მე კი ამ მიდგომას მივესალმები და მიმაჩნია, რომ ახალი სეზონი ბევრად წარმატებული იქნება.“

„სხვა კლუბში წასვლა? მადრიდის დატოვებაზე არასდროს მიფიქრია. მე აქ დიდი კონკურენციის პირობებში მოვედი და არასდროს შემშინებია წინააღმდეგობების.“

„ჩაბი ალონსო ნახევარმცველი იყო, მან კარგად იცის, რამხელა როლი აქვს შუა რგოლს, მე კი სწორედ ამ პოზიციის წარმომადგენელი ვარ და ვიცი, რომ ბევრი მუშაობა მომიწევს.“

„მსოფლიო საკლუბო ჩემპიონატს მადრიდის „რეალი“ დიდ მნიშვნელობას ანიჭებს, ჩვენ ფინალში გასვლა და გამარჯვება გვსურს.“

„ეს არის ეტაპი, სადაც შეცდომის დაშვების უფლება არ გვაქვს, ამიტომ განსაკუთრებული ყურადღება გვმართებს.“