მოგეხსენებათ, ჟოზე მოურინიოს თერთმეტეულში რიკარდო კარვალიო შედიოდა, ყოველ შემთხვევაში "მარკას" ცნობით, პორტუგალიელი მცველი ძირითად შემადგენლობაში უნდა ყოფილიყო და თანამემამულე პეპეს შეწყვილებოდა, მაგრამ შემდეგ შემადგნლობა შეიცვალა და დაცვის ცენტრში პეპესთან ერთად რამოსი აღმოჩნდა...

საქმე იმაში მდგომარეობს, რომ ვარჯიშის დროს რიკარდოს ტკივილი უგვრძნია და მწვრთნელისთვის უთქვამს, მოურინიომ კი კატეგორიულად მოითხოვა მედიკოსთა ჩარევა. კარვალიო ვარჯიშიდან პირდაპირ კლინიკაში წავიდა და გამოკვლევები ჩაიტარა.

ექიმთა თქმით სერიოზული არაფერია, მაგრამ შესაძლოა პორტუგალიელმა ოსერთან არ ითამაშოს იმიტომ, რომ თავი აარიდოს რაიმე გამწვავებას. ჟოზეს თქმით თუ იგი 1 %-ით მაინც არ იქნება დარწმუნებული იმაში, რომ რიკარდო სრულ მზადყოფნაშია, მაშინ დაცვის ცენტრს სხვა ფეხბურთელები გაამაგრებენ.