მადრიდული გამოცემების ცნობით, ენდრიკ ფელიპესა და მადრიდის „რეალის“ გენერალურ დირექტორს შორის, ერთსაათიანი საუბარი შედგა.

საქმე რა თქმა უნდა ეხებოდა, ბრაზილიელი ფეხბურთელის პოტენციურ გამგზავრებას იჯარის წესით.

ხოსე ანხელს აინტერესებდა თავად ფეხბურთელის პოზიცია და ხედვები მომავალთან დაკავშირებით.

ფაქტია, რომ ჩაბი ალონსო გათვლას გონსალო გარსიაზე აკეთებს, ეს კი ენდრიკის გეგმებს მნიშვნელოვნად ცვლის.

„მარკას“ ინფორმაციით, „რეალი“ მოთამაშის 1 წლით გაშვებას აპირებს, რათა ფელიპემ გამოცდილება მიიღოს და მეტი სათამაშო პრაქტიკა ჰქონდეს.

ამერიკიდან დაბრუნების შემდეგ სამხრეთ-ამერიკელ ამომავალ ვარსკვლავთან დაკავშირებით სიახლეებს უნდა ველოდოთ.