იტალიური გამოცემების ცნობით, მილანის „ინტერი“ ანჯელო სტილერის ტრანსფერზე მუშაობს.

ამის პარალელურად მადრიდის „რეალს“ ახალი კომბინაცია აქვს მოფიქრებული.

ჩაბი ალონსოს ნიკოლო ბარელა ძალიან მოსწონს და ფლორენტინო პერესს თხოვს, რომ „შავ-ლურჯებს“ იტალიელის სანაცვლოდ 90 მილიონი ევრო გადაუხადოს.

თუ სტილერი მილანში ჩავა, ბარელას გაშვების პერსპექტივა გაჩნდება, მადრიდის „რეალი“ კი სტილერის სატრანსფერო საკითხების შუამავლის როლშიც შეიძლება ვიხილოთ.

კერძოდ, არ არის გამორიცხული, სტილერის „ინტერში“ გადასვლისთვის საჭირო 40 მილიონი ევრო „ბლანკოსმა“ გადაიხადოს, ხოლო ბარელას სატრანსფერო თანხის გადანაწილება მოხდეს.

თუ „შტუტგარტი“ 40 მილიონს „რეალისგან“ მიიღებს, ფლორენტინო მზად არის „ინტერს“ დამატებით 30 მილიონი ევრო ამავე ზაფხულს, ხოლო დანარჩენი 20 მილიონი, რომელიც 90 მილიონს შეავსებს 2026 წლის მაისის ბოლომდე გადაუხადოს.

გარდა ამისა, „რეალი“ მზად არის, მილანურ მხარეს ბარელას სანაცვლოდ დამატებით 10 მილიონი გადაუხადოს, თუ პირველი კონტრაქტის პირობებში, ნიკოლო „ბლანკოსთან“ ერთად ჩემპიონთა ლიგას მოიგებს.