ესპანური და გერმანული გამოცემების ცნობით, მადრიდის „რეალსა“ და მიუნხენის „ბაიერნს“ შორის მოლაპარაკებები ფორსირებულ რეჟიმში მიმდინარეობს.

არსებული ინფორმაციით, ფლორენტინო პერესსა და „რეკორდმაისტერის“ ხელმძღვანელობას შორის შეხვედრა ამერიკის შეერთებულ შტატებში შედგა.

არაოფიციალური ცნობით, „ბაიერნი“ მზად არის, როდრიგოს სანაცვლოდ პირველ ეტაპზე 75 მილიონი ევრო გადაიხადოს, ხოლო 2026 წლის ბოლომდე დამატებით 25 მილიონი.

გამოდის, რომ საერთო სატრანსფერო ღირებულება 100 მილიონი ევრო იქნება, თუმცა ეს ყველაფერი არ არის.

პირველი კონტრაქტის  ფარგლებში, თუ როდრიგო ბუნდესლიგას მოიგებს „რეალი“ დამატებით 10 მილიონს მიიღებს, ამის ალბათობა კი რა თქმა უნდა ფაქტობრივად 100%-იანია.

გარდა ამისა, თუ როდრიგო „რეკორდმაისტერთან“ პირველი კონტრაქტის პირობებში ჩემპიონთა ლიგას მოიგებს, „რეალი“ დამატებით 7 მილიონს მიიღებს.

გამოდის, რომ ფლორენტინო პერესს 100 მილიონზე გაცილებით მეტის გამომუშავების საშუალება ექნება.

ასევე ცნობილია, რომ გერმანული მხარე სამხრეთ-ამერიკელ ფეხბურთელს 5 წლიან ხელშეკრულებას სთავაზობს, სადაც მისი შემოსავალი 8.5 მილიონი ევრო იქნება.